Author: aliyeffariz

Bir diş infeksiyası vəya irinli diş, çox zaman diş çürüməsi, natamam ağız gigiyenası, bununla birlikdə travma, əvvəlcədən edilmiş natamam diş müalicəsi nəticəsində meydana gəlir. Bu infeksiya həmin bölgədə şişlik, ağrı və həssasiyətə səbəb olur. İnfeksiya vaxtinda müalicə edilməzsə çənənin digər bölgələrinə, hətta beyinə yayıla bilər. Bunun üçün dişin müalicəsiylə birlikdə pasiyentə antibiyotik müalicəsi başladılır. Bizim məsləhət gördüyümüz antibiyotik infeksiyaya səbəb olan bakteriyaya görə dəyişir. Həkim məsləhəti olmadan antibiyotiyə başlamanız düzgün deyil. Yan təsir olaraq dəridə qaşıntı, nəfəs almada çətinlik, təzyiqin düşməsi, ürək çarpıntısı kimi alerjik reaksiyalara səbəb ola bilər.

Uşaqlar adətən çürük dişlərin ağrısından niyə şikayət etmirlər?
Balaca pasiyentlərin valideynlərinin verdiyi suallardan biri də bu olur.Təsadüfi müayinə zamanı uşağın ağız boşluğunda çoxlu çürük dişlər aşkar olunur.Bu zaman valideyin çox təəccüblənir.Axı onun uşağı diş ağrısından şikayət etməyib?
Gəlin araşdıraq görək nə baş verir? 🤔
📍 Sadəcə uşaqlar böyüklərə başa sala bilmirlər ki, onların nəyi və necə ağrayır. 😊 Ona görə də valideyin uşağı diqqətlə müşahidə etməlidir.O, öz hərəkətləri ilə diş ağrısını göstərir:
❗Əzgin,susqun,kaprizli olur-səbəbsiz ağrayır ;
❗Yeməkdən imtina edəcək (hətta sevimli şirniyyatlarından da)
❗Əli ilə çənəsini və ya yanağını tutacaq.
Əgər uşağınızda belə hallar görürsünüzsə somatoloqa yaxınlaşın
📍Süd dişlərində pulpit xroniki gedişli olur.Kəskin formaya az rast gəlinir. Xəstəlik uşaqlarda görünməz və praktik olaraq ağrısız keçir.Bu kanalların anatomik quruluşu ilə bağlıdır.Ancaq pulpit kəskinləşmə versə, iltihabi proses ətraf toxumalara yayılır.Bu təkcə diş ağrısı yox həm də şişkinliklə nəticələnir.Həm də bu proses sürətlə -bir neçə saat ərzində baş verir. Ancaq bu zaman uşaq valideyinə diş ağrısını bildirir. 😟
Bunun qarşısını necə alaq?🤔
❗Uşağınızın hərəkətlərini izləyin və dərhal reaksiya verin
❗Uşağınızı stomatoloqa təkcə ağrı olan zaman yox,profilaktik müayinə üçün də aparın.Bunu 3-6 aydan bir təkrar edin 😊

Müalicəyə tabe olmayan və bərpası mümkünsüz dişlər çəkilir. Bundan sonra yaranın sağalma mərhələsi başlayır. Sağalmanın müddətinə və rahatlığına bir neçə faktor təsir edir. İlk olaraq həkim ehtiyatlı və səliqəli işləməlidir ki, ətraf toxumalara zərər vurmasın və yara sahəsi mümkün qədər kiçik və travmasız olsun. Bəzən ķökləri böyük diş çəkildikdə həkim yaranı qida qalıqları ilə çirklənməsini önləmək üçün müxtəlif preparatlarla zəngin cərrahi süngər yerləşdirir, yaxınlaşdırıcı tikiş qoyur. Pasiyent öz növbəsində ağız gigiyenasına ciddi fikir verməli, yara yerini təmiz saxlamalıdır. Bunun üçün müəyyən olunmuş məhlulla ağzını bir neçə dəfə yaxalamalıdır .Və həkim tərəfindən təyin olunmuş dərman preparatlarını mütləq qəbul etməlidir.