Blog

Əziz pasientlərimiz, sağlam dişlər üçün süd və süd məhsulları, meyvə-tərəvəzlə balanslı şəkildə qidalanmalı, orqanizmi fosfor, minerallar, A, D, C vitaminləri ilə təmin etməlisiniz. Şəkərli qidalardan sonra ağız yaxalanmalı, qazlı ve şəkərli içkilərdən az istifadə olunmalıdır.

Gün ərzində dişlər səhər-axşam 2 dəfə fırçalanmalıdır. Flüor çatışmazlığı problemi varsa, flüorlu pastalardan, dişarası səthləri təmizləmək üçün xüsusi diş iplərindən istifadə olunmalıdır. Diş fırçası 3 ayda bir yenisi ilə əvəz olunmalıdır.

Hər 6 aydan bir həkimə müraciət etməklə dişlərinizdə əmələ gələn problemlərin qarşısını ala bilərsiniz.

Sağlam dişlər üçün gündə 2 dəfə dişlər fırçalanmalıdır. Diş fırçasından əlavə diş sapı da dişlərə qulluq zamanı çox təsirli təmizləyici vasitə kimi istifadə oluna bilər.
Diş fırçasının köməyi ilə dişlərin arasında və dişlə damağın arasında olan məsamələri təmizləmək çox çətindir. Məhz bu səbəbdən burada tez-tez karies və diş daşı əmələ gəlir. Bu problemi həll etmək üçün xüsusi diş sapından istifadə edin. Diş sapından gündə bir neçə dəfə (xüsusilə yatmazdan əvvəl qida qəbulundan sonra) istifadə etmək lazımdır.

Bilirsinizmi ki, qədim dövrlərdə dişləri təmizləmək üçün budaq, quş tükü, heyvan sümükləri, kirpi tikanı və s. bu kimi təbii vasitələrdən istifadə edilib. Hazırda istifadə edilən diş fırçalarını xatırladan diş fırçası isə 1498-ci ildə Çində hazırlanıb.

Dişlərin rəngi bir çox xarici və digər faktorların təsirindən dəyişə bilər. Bu zaman ərpin konsistensiyası sıxlaşır və dişə sarımtıl və ya qəhvəyi rəng verir.
Müalicə isə dişin rəngini dəyişən səbəblə əlaqədar həyata keçirilir.

Yumşaq ərp profilaktik pastaların köməkliyi ilə asanlıqla təmizlənir. Əgər ərp sıxdırsa, onu “Air-Flow” aparatının köməkliyi ilə daha effektiv təmizləmək mümkündür.

Diş xəstəlikləri bir çox sonrakı narahatlıqlara gətirib çıxara bilər. Dişlərinizin qayğısına qalmağı unutmayın. Hər hansı narahatlıq və ağrı hiss etdiyiniz zaman mütləq stomatoloq nəzarətindən keçməyiniz məsləhətdir.

Adətən yediyimiz yeməklərin diş sağlamlığına təsiri çoxdur. Bəziləri nəinki ziyanlıdır, hətta onların çürüməsinə və ovulmasına yol açır. Bəzi qidalar da vardır ki, əksinə – dişlərimizin sağlamlığının keşiyində durur. Məsələn yaşıl çay:
Yaşıl çayın tərkibində polifenol maddəsi, güclü anti-oksidant olduğu üçün diş xəstəliklərinin və damaq xəstəliklərinin qarşısını alır. Yaşıl çay ağızdakı pis qoxunu aradan qaldırır və bu qoxunu yaradan bakteriyaları məhv edir.

Bəzi insanların dişləri digərlərinə nəzərən daha həssas bir quruluşa malikdir. Xüsusilə, həddindən artıq isti və ya soyuq yemək və içkiləri qəbul edərkən dişlərdə dərin bir sızıltı və ağrı meydana gələ bilər. Bu cür problemi olan insanlar ağız sağlamlığına və gigiyenasına xüsusi diqqət etməlidir. Gündə ən az iki dəfə dişlər fırçalanmalıdır.

Gözəl və etibarlı bir gülüş insanda müsbət təsir yaradaraq doğru ünsiyyət qurmağa köməkçi olur. Cəzbedici gülüş üçün dişlərin sağlam olması çox əhəmiyyətlidir. Sağlam təbəssüm üçün dişlərinizin qayğısına qalmağı və stomatoloq nəzarətindən keçməyi unutmayın!
(ortopanoram 2D rentgen)

Bilirdinizmi ki, uşaqlarda süd dişləri normal dişlərə nisbətən özündə daha çox mineral maddə ehtiva edir və daha tez çürüməyə meyillidir? Bu səbəbdən uşaqlara erkən yaşda diş fırçalamaq vərdişini aşılamaq lazımdır!

“Ağıl dişləri” adlandırılan dişlər isə ağızda çıxan ən son təbii dişlərdir. Adətən 18-25 yaş arası dövürlərdə özünü göstərir. Bu yaş dövrü isə insanın əqli kamilliyə və iti düşüncəyə sahib olduğu bir dövürdür. Bu səbəbdən onu “ağıl dişi” adlandırırlar.

Əgər “ağıl dişi” vaxtından tez çıxarsa və digər dişlər onun ətrafında yığılarsa, digər azı dişlər arasında açıq məsafələr bağlanar və dişdə artıqların toplanmasına mane olardı.

İnsanın ağzında “dörd ağıl” dişi olur; ikisi alt çənədə, ikisi isə üst çənədə. Ağızda çıxan ən son diş olduğu üçün bəzən çıxmağa yer tapa bilmir və çənə sümüyündə örtülü olaraq qalır. Bəzən cüzi də olsa, çıxmağa çalışır. Adətən kiçik bir hissəsi görünsə də, digər hissəsi isə çənə sümüyündə qalır.
“Ağıl dişinin” çıxa bilməmə səbəbləri bunlardır:

Başlanğıcda ona aid olan tumurcuğun yox olması,

Çənə sümüyünün həcminin kiçikliyi, “ağıl dişinin” çıxmasına və inkişafına mane olur.
Elə vaxt olur ki, diş eninə və maili şəkildə inkişaf etdiyi üçün çənə onun çıxmasına imkan vermir.
“Ağıl dişi” ilə əlaqəli problemlərə gəlincə isə, bunları demək olar:

Ağızda ilk cücərti zamanı bu dişə aid damaq ətində kəskin iltihab baş verə bilir. İltihab və şişmə zamanı diş ətindən ağrılara səbəb olan irin ifraz olur. Bu zaman xəstə ağzını asanlıqla aça bilmir, hətta yeməyi udmaqda belə çətinlik çəkir.

Kəskin ağız qoxusu, yüksək hərarət, yorğunluq və huşsuzluq yaranır. Çox vaxt “ağıl dişi” ağrılara səbəb olan bir ocağa çevrilir. Səbəb isə bu dişin aşağı çənə sinirinə təzyiqi göstərilir. Yaranan ağrı qulaq, göz və digər dişlərə təsir edir.

“Ağıl dişi” ətraf azı dişlərinə maili şəkildə istiqamət götürərsə, təzyiq nəticəsində dəhşətli ağrılara səbəb ola bilir. Bu meyillilik yemək artıqlarının azı dişlərində toplanmasına, bu isə öz növbəsində dişlərin çürüməsinə gətirib çıxarır.